ನಡೆ-ನುಡಿಯ ಶವಯಾತ್ರೆ

ಉದ್ಯಾನನಗರಿ ಇಪ್ಪನ್ನಾಲ್ಕು ಗಂಟೆಯೂ

ಜೀವಂತ; ಚಲನಶೀಲ

ಮಧ್ಯರಾತ್ರಿವರೆಗೂ ಕುಡಿಸುವ ಬಾರುಗಳು

ಗರಿಬಿಚ್ಚಿ ನರ್ತಿಸಿವೆ, ಮಾನಬಿಟ್ಟು ವರ್ತಿಸುವ

ಕುಣಿಯುವ ಕ್ಲಬ್ಬುಗಳು, ಪಬ್ಬುಗಳು

ಪಕ್ಕದ ಮನೆಯಲ್ಲಿ ನಡೆದಿದೆ ಹತ್ಯೆ ಬರ್ಬರ

ನೆತ್ತರು ಧಾರಾಕಾರ;

ಕಂಡೂ ಕಾಣದ ನಿಜ ನಾಗರಿಕರು!

ನೀಡುವುದಿಲ್ಲ ಯಾರೂ ಸಾಕ್ಷ್ಯಾಧಾರ

ನಡೆದದ್ದು ಜೀವಗಳ ಕೊಲೆಯೋ, ಭಾವಗಳ ಹತ್ಯೆಯೋ

ತಿಳಿಯದು ಅರಿವಿನ ಮನಕ್ಕೆ

ಜೀವಂತ ನಗರಿಯಲ್ಲಿ  ನಡೆ-ನುಡಿಯ ಶವಯಾತ್ರೆ

ಸಮಾಧಿಯ ಶವಗಳೂ ಎದ್ದೆದ್ದು ಕುಣಿದಿವೆ

ನಾಗಾಲೋಟದ ನಿಸ್ತೇಜ ಮುಖಗಳಲ್ಲಿ...