ಒಂಟಿತನ

ದೃಷ್ಟಿಯೊಂದೇ ನೋಡುವ ಕಣ್ಣುಗಳೆರಡು
ಶಬ್ದವೊಂದೇ; ಕೇಳುವ ಕಿವಿಗಳೆರಡು
ಕೈಗಳೆರಡು; ನಡೆದಾಡುವ ಕಾಲುಗಳೂ ಎರಡು
ಕಾಲಿಗೂ ಜೋಡೆರಡು
ನಾಸಿಕ ಒಂದಾದರೂ ಉಸಿರೆಳೆವ ಹೊಳ್ಳೆಗಳೆರಡು
ಒಂದೇ ಶಿರದ ಕೇಶಗಳು ಸಹಸ್ರ ಸಹಸ್ರ
ದಂತದ ಇರುವೆಗಳು, ಸಾಲು ಸಾಲು!
ಬಾಯಿಯೋ ಏಕಾಂಗಿ!
ಅದರೊಳಗಿರುವ ನಾಲಿಗೆಯೂ ಒಬ್ಬಂಟಿ
ಭಗವಂತ ಅದೆಂಥ ಪಕ್ಷಪಾತಿ!
ನಾಲಿಗೆ, ಬಾಯಿಗೆ ಹೇಳಿತು
ನೀ ನನ್ನ ಜೋಡಿಯಾಗು
ಮುದ್ದಾದ ಮಾತು ಹುಟ್ಟಲಿ!
ಆಗ ನಮ್ಮಿಬ್ಬರ
ಒಂಟಿತನ ದೂರಾದೂರ!